بلوچ کومے وفادار پہ وتے حاک و وطنا

بَـتَـلْ( ضرب المثل)

●آپْ جانا پاکْ کنْتْ و راستی دِلا

●آپَـئے ٹپّ هُشْکْ بیت رۉگِـنئے ٹپّ  بازْ بیت

● آ مرد کِه مَیار جَلّـَنْتْ نیْمْروچان لوْگا نَوَپْسَنْتْ

● آئیا وَشْهالْ هِچْ کسْ نَدیسْتَه

●آپا گِنْدئے ؛ گـُدانْ کـَشّ

● اشتُـرئے بَنْجاها پیر نَرُدیـتّ

●اُشْترا هِرّے آرْتْ کـَسا سارْنَکـُت کُکـّڑا هَیْکے ریت دُنْیائی سَرا کُت.

●اُشْتر دُزّی   چیْرکِنْزّکا!

● امْروز سَباهانی ساهِگـنْتْ ساهِگْ رَوْتْ و روچْ مَنا گِـنْدِیتّ

●بازْوَرْدی  و لاپْ درْدی

● بازْگِـنْدئے گـَلْ مَکـَن کمّ گِنْدئے گـَمْ مَکـَن!

● بِراتا بِگِـنْد گـُهارا بِگِـر

● بے  تاوانا  بلوچ  سیتّ  نَکـَنْت

● بے رنْجا گـنْجْ نَبی

● بیـتَّگیْن کارا کس مَجَـنت جاکا وَهْدِے کِه روگِـن رتْکگنت هاکا

●جاهِلا هپتاد  کالْیگرئے زۉر مانِنْتْ

●پیریْنئے سوجا چادِرئے  لُمْبا بِبَنْد

●تئی پِتْ اگـَه پِتے بوتّیْن تئی ماتْ؛ میْشانْ نَیَتْ !

● جوهر بَلوچَیْ گـیرَتِنْتْ

● چَـمّ پَه وَتی عیْبا کوْرِنْتْ

●تان بهاری هَوْر نَبیت، بَشّی هَوْرْ مَباتْ. تان گـُهاران جود نَبیت بِراتاﮟ جَنْ مَباتْ

●چَه تَنکـّیْن کـَوْشا شِپادی گِهْتِرنْ

●چَه نادانیْن  دوستان دانایِن دُژمنْ گِهْتِرنْ

● دورسَریْن کـَوْرا مَوَپْس

●زُبانا هَر  وَڑا  کِه تابْ دیَئے ترّیت.

●سادْ هَـماجاها  سِدیت کِه بارَگْـتِرِنْت

● سَگْ اِشْتاپْ گـُلُّـڑ کۉر کاریت

●سُهْریْن ماهیگا وَرئے آپْ کشّ بَئ

● شَپْ پَه  اِستاران ،وشّیْن گِیابان پَه بَلوچان

● شَپْ کِه تَهارِنْت نَه کِه پَه مات و گـُهارِنْتْ

●کاهُکے  وَرْ راهُکے  برو

● کارْ پَه کـَوْرئے اِیشَرْکا هَنْ مَرْدا کـَپیتّ

●کـَوْمَئے زُبان کِه شُتْ هِچّ نَمانیتّ

●گرْبَگئے تاکتِت  نے  شیْران  نِهِرّ مَکـَن

●گۉن دانایان نصیحتْ نَپْ گۉن نادانان جنْگ!

●گۉن ماها نِنْدَئےماهْ بَئ ،گۉن دیْگا نِنْدئے سیاهْ بَئ

● گۉن یَک دسـتِے چاپْ تَوارْنَکنْتْ

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: